قصاصات ومرابيع شعريه - بقلم معتصم جمعه
يا من انا شكلتها بمدامعي واصابعي لك كل ايامي ولك الوفاء
عمري انا في وجنتيك قد انتحر وتبرجت كل الحروف لك عند النداء
ما عدت احتمل العزاء
والريح تحمل عشقها من لهفتي وعناقها حد السماء
يا من وهبتك باقي روحي وكنت في عينيا تاج للنساء
ما عدت احتمل البكاء
عشقي انا في حده ابكي عيون الشمس كرهت حكم القضاء
وتوسلت احداق كبدي مثل زبد البحر تشتاق اللقاء
================================================
المحير انو ممكن يوم تشوف القمره شارده وخافته نوره او مسافره
والنجوم تحلف يمين الليله اخر سهرة ليها و باكر الدغشيه ظاهره
ولسا فاضل ريد وباقي ولسا احلامنا في مداره بس ظنونك شتتنا ويا خصاره
وباقي شوق في عيونا باكي وحرقه في جوف الاماني وكسرتنا و ضيعتنا بدون اشاره
ولسا في جوانا مبني ونيل وقمره وريد شراعو جسور فرحنا ولسا راجيك بي حراره
================================================
متي تاتي معزبتي وتسلبني من الضجري
وتعتقني وتمنحني ملاذ القلب من قُبلٍ
وترميني برمح العشق تقتلني بعينيها وتغسلني بلا كسلٍ
متي ترمي اليا فؤادها شغفا وتمنحني وساما العشق مغزولا من الشعر والخصلٍ
متي والشوق يذبحني ولا ادري متي تاتي فما بقي من النفس يشارف موته الاملٍ
متي تاتي ؟؟
================================================
انت التي في جوف افراحي تشكل ثورة وردية غزليه لا تنتهي
انت التي في بحر اوردتي تغوص مع دمي وتصيغ احلامي وفيها تنتمي
انت التي احرقتني في ليله قمريه شتويه لاكون مدفئه بحضنها ترتمي
يا وردتي البيضاء والشقراء والحمراء سالتك في حنيني كيف لك ان تتحكمي
================================================
زي طعنه في وسط الحلق سكت الكلام
او زي تقول حرف الوصف في حالي اتبكم ونام
او امكن احساسي العدم ماليهو زي بس وين اشوف سبب الوجع وانا لسا في جوف الظلام
ياخ يا فؤاد يا ريت اشيلك واحبسك بين الهضاب او حتي اقدر ادفنك تحت التراب امكن اعيش بعدك سلام
================================================
رحله مواعد الوهم عشم اللقاء همس الفؤاد منك وجع
وانا يا شقاي من كم سنه ريدك مخلل روحي واحساسي القديم جواك ركع
بايعني لي جوف الالم وانا فيك حكرتا الريد فرح واريت فؤادك لو رجع
والليل سكن جواي شجن خوف الوجع لو يوم ندهت الشوق اليك والقى ما فيك روح سمع
================================================