بقلم معتصم جمعه
ما كنت احلم بالممالك والجواري والاواني الفضه و الذهب النميق
وما كان في وجداني شرب الخمر والسهر بين النجم والكأس رفيق
لكنك يا ملكتي ادخلتني قصرا تاجج بالجواري كلها في خدمتي قد اشعلت نيران شوقك والحريق
وقد احتسيت الخمر ليس بخمر سكرا انما خمر الهوي وترنحت مشاعري لا ادري كيف لها المفيق
وفراش نوم رأسي فوق راحة كفها و وسادتي من شعرها ياليتني ميت هنا وكرهت لحظتها المفيق
***
خلاس الكان ولسا انتهي وانا تاني ما بسئل عليك
خليك فاكر اني يوم حاولت مره اكون اليك
وانت السبب وانت الوجع وانت الالم واشكيك لمين واشكيك كيف وبحن اليك
لكن وحات القسوه فيك بجي يوم تقول ياريت زمان شلتا الحنين و وهبتو ليك
خليك فاكر يا شقاي ان في يوم كنت ليك
***
وانا يا اساي وجعي القديم ريد الكبد يوت بندهك
بستحضرك ساعه الفرح بسمه امل ضي القمر يوت بشبهك
خليني بس استسمحك
يا نسمه الريف والحنان شفق المغيب ريحه الدعاش والدنيا كلها تجتمع في بسمتك
اصلو القمر وكتين يطل ساعه المغيب حزنان ويفرح ليهو ضي لو يلمحك
والله داير استسمحك
زمن الوهم لحظه وجع وكت الالم دفس الوريد حنك اخدني لمترحك
واتجملت كل السنين في لحظه الخاطر سرح وحلم يكون جم حضرتك
رايدك وليك بستسمحك
***
وانا لسا بتشابه وبجيك واتنفسك ريد في الزفير مع الشهيق
واستحضرك في البال فرح وكت الحزن صاحبني واصبح لي رفيق
يا احلي اسباب الشجن ريدك عصر شريان فوادي وفرقتك نيرانه باقه علي حريق
وانا شايلك حنان قدر الحصي وعدد الرمال يا زينه يا بت الاصول يا سمحه نواره الفريق
***
لا ترتعد امضي فقط يكفي انين هيا ابتعد
يا قلب لم يبقا لنا في مقلتيها لجة من الوعد
يكفي جراحات ويكفيني وجع وكانني قد دفنت علي لحد
وكيف لي عن رحيلي استرد ونار شكي في شرايني ترد
لا لم يبقي لي شي وحان الوقت حتي ابتعد
واليوم عشقنا في فراشه يحتضر
انفاسه في مقلتينا شارفت ان تنتحر
والوجعة البلهاء تبكي والحنين منكسر
لم يبقي شي لي هنا فمن منا منتصر
و الدمع في خدينا يرنو مثل حبات المطر
لم يبقي لي شي هنا فكلانا قد خسر